(បទ កាកគតិ)
១. ប្រម៉ាត់ប្រម៉ង់ ប្រម៉ាត់នាំបង់ ប្រម៉ង់នាំបាត់
ប្រម៉ាត់ប្រម៉ង់ នាំខ្មែរខ្ចាយខ្ចាត់ រដ្ឋគួរទប់ស្កាត់
ប្រម៉ាត់ប្រម៉ង់ ។
២. កាលជំនាន់មុន ខ្មែរជួបស៊យស៊ុន ជួបរឿងខាតបង់
ប្រម៉ាត់ប្រម៉ង់ នាំគ្នាដើរស្កាត់ លួចគៃបំបាត់
ជីវិតក្មេងៗ ។
៣. ដល់ពេលឥលូវ ជួបរឿងអាស្រូវ ផ្អើលអស់គេងឯង
ប្រម៉ាត់ប្រម៉ង់ មិនចេះកោតក្រែង សម្លាប់ក្មេងៗ
វះយកក្រលៀន ។
៤. តើពិតឬទេ? សូមជួយជាតិខ្មែរ គ្រប់អស់កោះគៀន
រាវរកការពិត មនុស្សវះក្រលៀន កុំឲ្យបៀតបៀន
ខ្មែរតទៅទៀត ។
៥. [...]
កំណាព្យបទ កាកគតិ
១. 1. ព្រឹកព្រលឹមហើយ ឱមិត្តយើងអើយ កុំនៅអែអង់
រៀបខ្លួនទៅរៀន ដោយការផ្ចិតផ្ចង់ យើងដើរតម្រង់
ទៅឯសាលា ។
២. 2. យើងត្រូវចងចាំ គ្រប់អស់បណ្តាំ ពុកម៉ែយាយតា
ខំរៀនរាល់ថ្ងៃ សន្សំវិជ្ជា នឹងកើនប្រាជ្ញា
ភោគក្តារមិនក្រ ។
៣.3. ក្តារឈ្នួនសៀវភៅ រក្សាឲ្យនៅ គុណភាពឲ្យល្អ
ពុកម៉ែស្រលាញ់ ដោយចិត្តអំណរ ញាតិមិត្តសាទរ
ព្រោះយើងខំរៀន ។
----------------------------------------------
និពន្ធដោយ៖ យី [...]
កំណាព្យបទ កាកគតិ
១. ឱមាន់រងាវ គ្រហ៊ឹមកញ្ជ្រៀវ មិត្តអើយសូមភ្ញាក់
ក្រោកឡើងរៀបចំ មុងភួយទុកដាក់ ឲ្យត្រូវតាមថ្នាក់
ថតទូខ្ពស់ទាប ។
២. ព្រឹកព្រលឹមហើយ ឱមិត្តយើងអើយ នាំគ្នាប្រុងប្រៀប
ដុះធ្មេញមុជទឹក ត្រូវតាមរបៀប រួចហើយយើងរៀប
ស្រស់ស្រូបពេលព្រឹក ។
៣. ស្លៀកពាក់រួចហើយ ឱមិត្តយើងអើយ កុំបីភ្លាំងភ្លឹក
លាពុកនិងម៉ែ ទាន់ពេលនៅព្រឹក តាមលោករំឮក
ទៅសាលារៀន៕
----------------------------------------------
(បទ កាកគតិ)
១. បើខ្លួនក្រក្រី ត្រូវខំឃ្មាតខ្មី ស្រវាវិជ្ជា
រៀនឲ្យបានឆ្អិន រៀនពីគ្រប់គ្នា ទុកក្នុងអាត្មា
ប្រើការពេលក្រោយ។
២. វិជ្ជាជាស្ពាន សន្សំឲ្យមាន ចាត់ជាអំណោយ
ទាន់ខ្លួននៅក្មេង ខំរៀនឲ្យហើយ មិនត្រូវធ្វេសឡើយ
ទើបសមកូនល្អ ។
៣. ពេលនៅសាលា ខិតខំសិក្សា រៀនដោយអំណរ
ស្តាប់តាមគ្រូប្រាប់ ចរិតឲ្យល្អ ឲ្យខ្ពស់បវរ
ពុកម៉ែពេញចិត្ត ។
៤. ត្រលប់មកផ្ទះ ត្រូវខំរូតរះ ណាស្រស់វរមិត្រ
ខិតខំរៀនសូត្រ ស្វែងរកការពិត ប្រើឲ្យបានស្និទ្ធ
អស់ក្បួនតម្រា ។
និពន្ធន៍ដោយ៖ យី [...]
គេលេងFacebook ឃើញសប្បាយ ............. ជ្រួលជ្រើមអស់កាយ ចង់លេងដែរ
អោយមិត្តបង្រៀន ជួយនាំណែ ............. ដល់ផ្ទះសុំម៉ែ ទិញLap Top។
ពេលបានLap Top ភ្ជាប់Modem ............. យប់ឡើងញញឹម ដូចឃើញទ្រព្យ
បើកInternet ដៃឡើងញាប់ ............. Add.Friend.សំណព្វ សែនសង្ហារ។
ដំបូងប្រុសស្អាត Start Confirm ............. ចេញ Styleច្រឡឺម សុំស្នេហា
សរសើរបញ្ជោរ អូសក្រឡា ............. ស្អាតដូចតារា ណាអូនស្រី។
ឮគេសរសើរ ស៊ីជោរភ្លាម ............. ក្ដៅខ្លួនឡើងឈាម ញ័រជើងដៃ
គេសុំ Number រឹតតែភ័យ ............. ជាតិជាមនុស្សស្រី អៀនសែនអៀន។
ដាច់ចិត្តNumber អោយទៅគេ ............. [...]