Posts in ‘កំណាព្យ-កម្រងកែវ’ Category

ចម្រៀងកុមារ៖ មង្គលកុមារខ្មែរ

ចម្រៀងកុមារ៖ មង្គលកុមារខ្មែរ

(លំនាំជាកំណាព្យ បទកាកគតិ)

១. យើងជាកុមារ សប្បាយអស្ចារ្យ បានមកជុំគ្នាលេង
ល្បែងកម្សាន្តខ្មែរ តម្លៃធំធេង យើងជាក្មេងៗ លេងក្នុងពេលរាត្រី ។

២. យើងលេងសប្បាយ យើងសើចក្អាកក្អាយ ឱពេញដែនបូរី
ល្បែងខ្មែរច្រើនមុខ ជាប្រពៃណី សម្បត្តិថ្លាថ្លៃ គួរយើងថែរក្សា [...]

ចម្រៀងកុមារ៖ ស្វាគមន៍ទេសចរ

ចម្រៀងកុមារ៖ ស្វាគមន៍ទេសចរ

(ជាកំណាព្យបទ ពាក្យបួន)

១. យើងជាកុមារ ស្វាគមន៍ប្រិយមិត្ត
មកពីឆ្ងាយជិត(២ដង) ជាតិអន្តរជាតិ។
ចូលមកទស្សនា (បន្ទរ) ពុំដែលរវាទ (បន្ទរ)
ប្រាង្គប្រាសាទជាតិ (២ដង) អង្គរល្បាញល្បី។

២. មានអង្គរធំ មានបន្ទាយស្រី
ព្រះវិហារជាញជ័យ (២ដង) មានអង្គរតូច ។

ចម្រៀងកុមារ៖ អានកើនប្រាជ្ញា

ចម្រៀងកុមារ៖ អានកើនប្រាជ្ញា

(ជាកំណាព្យ បទកាកគតិ)

១. អានកើនប្រាជ្ញា ចារក្នុងគំនិត
ប្រសើរពេកពិត គំនិតក្នុងក្រៅ។

២. អានកើនប្រាជ្ញា ឃ្លាតឆ្ងាយពីខ្លៅ
អារម្មណ៍ហោះទៅ គោលដៅដែលចង់។

៣. អានច្រើនតម្រា សុទ្ធល្អផូរផង់
អានដោយផ្ចិតផ្ចង់ ស្ទួយខ្មែរឲ្យខ្ពស់។

៤. [...]

កំពាព្យ៖ ស្នេហ៍បែបសន្ទូង

កំពាព្យ៖ ស្នេហ៍បែបសន្ទូង

(បទកាកគតិ)

១. ក្មេងស្រលាញ់ម្តង ដល់ចាស់កោងខ្នង ស្រលាញ់ម្តងទៀត
ស្នេហ៍បែបសន្ទូង មិនអំពល់ញាតិ ស្រលាញ់មិនឃ្លាត
ស្នេហ៍មួយនឹងមួយ ។

២. ស្រលាញ់ច្រើនដង ស្រលាញ់ស្នេហ៍ស្នង មិនលំបាកព្រួយ
ស្នេហ៍ស្រែស្រូវខ្មែរ ជាពន្លកត្រួយ ស្នេហ៍មួយនឹងមួយ

កំណាព្យ៖ ប្រម៉ាត់ប្រម៉ង់

កំណាព្យ៖ ប្រម៉ាត់ប្រម៉ង់

កំណាព្យ ប្រម៉ាត់ប្រម៉ង់

(បទ កាកគតិ)

១. ប្រម៉ាត់ប្រម៉ង់ ប្រម៉ាត់នាំបង់ ប្រម៉ង់នាំបាត់
ប្រម៉ាត់ប្រម៉ង់ នាំខ្មែរខ្ចាយខ្ចាត់ រដ្ឋគួរទប់ស្កាត់
ប្រម៉ាត់ប្រម៉ង់ ។

២. កាលជំនាន់មុន ខ្មែរជួបស៊យស៊ុន ជួបរឿងខាតបង់