«កាស​អេឡិចត្រូនិក»ច្រើនប្រភេទ ដូចជា Kh Coin – SunCoin – K Coin – One-Coin ឬ Forex Coin មិនមាន​អាជ្ញាប័ណ្ណ ពីអាជ្ញាធរ​មានសមត្ថកិច្ចកម្ពុជា នៅឡើយ។ នេះ បើតាមសេចក្ដីថ្លែងការណ៍រួមមួយ ចុះថ្ងៃសុក្រ ទី១១ ខែឧសភា ឆ្នាំ២០១៨ រវាងស្ថាប័នចំនួនបី របស់ប្រទេសកម្ពុជា ដោយអះអាងថា រាល់ការទិញលក់ដូរ ឬទូទាត់ កាស​អេឡិចត្រូនិកទាំងនោះ ជាសកម្មភាពខុសច្បាប់។

ក្រៅពីអះអាង ពីស្ថានភាពខុសច្បាប់ នៃការធ្វើចរាចរ«កាស​អេឡិចត្រូនិក» ស្ថាប័នទាំងបី ដែលរួមមាន ធនាគារជាតិ គណៈកម្មការមូលបត្រកម្ពុជា និងអគ្គស្នងការនគរបាលជាតិ នៅបានពន្យល់ ពីហនិភ័យធ្ងន់ធ្ងរ ដល់សាធារណជន និងសង្គម ដូចជា៖

  • ចេញផ្សាយ ដោយគ្មានវត្ថុចេញសង ត្រឡប់មកវិញ
  • ទទួលរងការខាតបង់ លើការវិនិយោគ ដោយសារតែតម្លៃចារិក របស់កាសអេឡិចត្រូនិក ប្រែប្រួលគ្មាន​មូលដ្ឋាន​ច្បាស់លាស់
  • ប្រឈមនឹងឧក្រិដ្ឋកម្មបច្ចេកវិទ្យា និងធ្វើឲ្យបាត់បង់មូលនិធិ ដោយសារការលួចចូល ទៅក្នុងប្រព័ន្ធ
  • ពុំមានយន្ដការការពារផលប្រយោជន៍អតិថិជន អ្នកប្រើប្រាស់កាសអេឡិចត្រូនិក ជាជនអនាមិក ពុំមានការសម្គាល់​អត្តសញ្ញាណ និងសាវតាអ្នកប្រើប្រាស់ បានច្បាស់លាស់ គឺជាហនិភ័យក្នុងការសម្អាតប្រាក់ និងហិរញ្ញប្បទាន​ភេរវកម្ម។

អាជ្ញាធរបានបញ្ជាក់បន្ថែមថា នឹងចាត់វិធានការ ចំពោះបុគ្គល ឬនីតិបុគ្គលណា ដែលធ្វើការឃោសនាផ្សព្វផ្សាយ កៀងគរ​ប្រមូលមូលនិធិ ទិញប្រតិបត្តិការ ទិញលក់ដូរ ទូទាត់កាសអេឡិចត្រូនិក ដែលគ្មានអាជ្ញាប័ណ្ណ ទៅតាមច្បាប់​ជាធរមាន៕ 



You may also like

កម្ពុជា

ហ៊ុន សែន បង្ហើបថា​នៅមាន​មណ្ឌល​​កម្សាន្ដ​មួយទៀត​ បន្ទាប់ពី​«រ៉ុក»

«យើងចាប់ផ្ដើមសកម្មភាព ពី”រ៉ុក”នេះមួយ» នេះ ជាការអះអាងឡើងរបស់លោកនាយករដ្ឋមន្ត្រី ហ៊ុន សែន ជុំវិញការបង្ក្រាបករណីគ្រឿងញៀន នៅមណ្ឌលកម្សាន្ដ«រ៉ុក» ក្នុងជំហាន​ឈានទៅបង្ក្រាបមណ្ឌលកម្សាន្ដមួយទៀត ដែលលោកមិនបានបញ្ចេញឈ្មោះឲ្យដឹង។ លោក ហ៊ុន សែន ...
កម្ពុជា

ហ៊ុន សែន ឲ្យ​កម្ទេច​កងកម្លាំង​ណា ដែលកាង​គ្រឿងញៀន​​នៅ​«រ៉ុក»

នាយករដ្ឋមន្រ្តីកម្ពុជា លោក ហ៊ុន សែន បានបញ្ជាឲ្យជីករកឫសគល់ នៃបណ្ដាញគ្រឿងញៀន នៅមណ្ឌលកម្សាន្ដ«រ៉ុក» ឲ្យខាងតែបាន បើទោះជាឫសនោះ មានជម្រៅដល់ណា ឬមានកងកម្លាំងណា ដែលកាងចំពោះករណីនេះក៏ដោយ។ លោក ហ៊ុន ...
វិភាគ អត្ថាធិប្បាយ

«មិនត្រូវរុញអ្នកមាន​និងអ្នកមានអំណាច ឲ្យជល់គ្នានឹងអ្នកក្រទេ»

តើ«លទ្ធិប្រជាធិបតេយ្យកម្ពុជា» មានលក្ខណៈផុយស្រួយ ខ្លាំងមែនទែន រហូតអាចនឹងក្លាយជា«អនាធិបតេយ្យ» ឬជា«អំណាចផ្តាច់ការ» បានគ្រប់ពេលវេលាឬ? សូមអានបទវិភាគ របស់លោក ហ្សង់ ហ្វ្រង់-ស៊័រ (Jean-François Tain) នាយកវិទ្យុបារាំងអន្តរជាតិ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...